Nikhat khosunga cheng “tehse” pu khat hin, agam len na ah ipiga ahi kihe thei lou thing gakhat ahin mu in, chun in amapa injong hiche thing’a changkhat chu inn-lam jot toh gom chun ahin kipoh tan ahi. Chun in ama injong hiche thing’a neocha chu ala in “Inn-khom sungah hin ana tutan ahi. Jingkah atho/nilhah availhun teng pel louvin twi ana chep jing in ahile, chom lou kah in hiche thing’a neocha hoilai/honsunga atuchu amit ahung pouhdoh in ahung momdoh jengtan ahi. Amapa injong avein hoi asan akipah ma2 jengtan ahi, Chun in tehse-pu injong thingkeh neocha chu avein jailaa ana oi-oi-tai, kathing O khang2 tichun jingkah nilhah in pellou in twi ana chep2 jengtan ahi. Nikho phabep jou hin hiche thing keh neocha chu ahung khang lentan ahile, hetphah lou kah chun dinlhup chan ahung phatan ahi. Chun in jet le vei acheng akho miten ahin mudoh tauvin, Papi mini hin ipi thing keh ahidem ti chun ana thim vet lhontan ahi le, hiche thing keh neocha chu thingkeh jouse lah adia jong thingkeh mentam ana hi naban-ah aphung keo hilouva ana/ajung/abah chen gei a pilhin na ahin muding chu khomite jengin jong ahin kihet doh tauvin ahi, chu in tehse pupa chungah chun lungthim set / kihajat to-na ana neipen tauvin ahi. Chu in tehse pu alup na akon ahung thou doh in amasapen in ahou Pathen vanle leiset sem hingjing a Pathen hengah kilhai na ahin neima sapen tan ahi. Chu-in maiphet menlou hel-in kongkhat nah twi adomtan kathing O..khang-2 ti chun jailaa Oi-pum in thingna chu ajut le2 in twi ala-in ana chapkot jengtan ahi le chu in ajet avei aven phasah khat chu a-suhtheng in a-lhou ngim tan leiset hoilai jouse jong chu ala in thingkeh neocha phungbul ah chun ana buhtan ahi. Nikhat tehse-pu jong loukona ache le huipi/gopi thakhat tah chun ahung kithotan ahi. Chu in ama pajong alung agimtan lheh tan, In lam a kada lhah kathing kehtu i-atidem tin lung gim pijoh in ahi, Huipi/gopi nasa tah a ahung hat tah phat chun inlam ana kile vahjou tapon, Zoulei buh-lam chu ajon in hiti chun ana kichol dotan ahi. Achen khompi a Inn-keng-pa injong tehse pupa chu agathim vet a ahile Inn-na ana umlou chu ahinthei tan, Chunin khomite jouse ana koukhom tan, hiche tehse pu honlai a keh thingphung neocha na dong jin jen a na boh eng jin jen khun ei-ho cheng mailam ahin khabing ding ahiti chun asei pihtan ahile, Khomite injong amapa chu ana donbut tauvin ahi, Chu in papi khat ahung ding doh in thing keh kitu-toh kisai a sei nom tampi anei jouse chu ahin sei doh jou kai tan ahi. Ei-ho adin phat aumtapoi ajeh chu thing keh song keh tampi ana kitu nan, ahin hi che Tehse-pu in ahon-sung a atupen thing hi adang sang a hin hoijo le dong hoi jo ahi in, Aphung aki tuh tanjong leh abul lam akon amet hung mom-doh kit paiji ahin, chujeh chun tu ma2 in kipan utin ahet louna dingin aphung khu lohkitin loh u hitin hileuhen ni 2/3 jouteng aphung khu hung ol nan2 intin hung thi ding ahitai tichun ana ki houlim taovin tehse pupa huon lam chu ahin jon taovin ahi. Hiche tehse pupa chu miding chang khat ahitoh lhon chun gamkon, kholgin apotdoh sim in Inn-chabi, kelkot hiti chun ana kil dem2 jing in ahi. Chu in khomite ahungkon uvin ahile Inn-kot chabi ana kikil tahphat chun mipi phabep chun kinung le ding lunggel ana nei tauvin ahi. Chu in mipa khat in mipi te heng ah tunia bollou chu khonung teng phat umlou ding ahitai ti chun thupeh/thumop na ahin nei kit tan ahile, khosung mi-Nu mi-Pa te jouse chun pan-thah a la un akipan paijeng taovin ahi le kel tou nading in thing bong thingbai hiti chun ahin kido tauvin, hiche tehse pupa inkhon sung lam ah chun ahung kum-suh un ahin ahol pan tauvin ahile, Inn-khon ninglam khat ah hin thing keh neocha chu ahin mudoh tauvin ahi. Chu in khat jou akhat hi ti chun ana ki-lha un aphung bul lam ah aman uvin lokiti chun ana loh cheh jeng tao vin ahi. Chu in mipa khat hin e-thil bol u kikin sah jep uhite ajeh chu asot lou a inn neipu hung vai lhung ding ahi tai ti chun asei tan ahile, a pat2 chun akipan un a-inn2 lam cheh uvah kho he pha lou dan deucha chun ana jam cheh tauvin ahi. Huipi/Gopi ki chai kho ahung phat tah chun Tehse-pu jong ahung kipan in inn lam ahin jon tan ahi le lamkah a gil kel dong chah pum in inn-lam chu ahin del jel tai; chu in inn-mai kelkot chabi ahin hong in ahi le ahung lut2 chun ana mupai jengtan ahi . Hiche thing keh neocha atu chu abahjouse ana kai kun den jeng amu phat chun heicha/chempong tol lhang ah asep lhan thing keh neocha mun lam chu ajon pai tan thing kheh neo cha chu aven ahile huipi/Gopi akon ahilou chu ahin hetan ahi. lai-na tah chun thing keh neocha chu ana ajut in aphung atuh in a mit-lhi le noptui kap-pum min hiche thing keh neocha ham theilou chu hitin adong tan ahi. Vo-kathing kheh neo eti nahi hitam, koi hunga i-na hung lo hitam tichun laina tah in akap in apengtan ahi, Vo-kathing keh neo etih tah le nahung khen let a nahung pilhin ding ham tia, jingkah nilhah vaikon/vailhun teng twi ka-chep2 yeng nahi hilou ham koiham hi ta-bang a kei le kathing keh neo cha kikah a ahaja ah chu, koi himong2 hm ti chun thing keh neo cha heng ah chun dong in akap2 jeng tan ahi le. Chutah chun van nilhem ahung kik-hoh tan ahi, Chu in a mapan jong van-lam chu avetan ahile va-khu tabang va-cha khat amu tah chun Vo-ka Pathen/Vo-ka Pakai neihin ve-tan tichun mi-thi/nop-twi hiti chun van lam ah a kho dah in ha-kap min akap tai, Chuin Ogin khat ahin jatan ahi, Hiche Ogin chun kacha pa ebol la chu lung-gim/lung-hem a kap nahi, Na Pathen/ Nahou Pathen kei kaumnai ti chun kam chang khat ahin jah tah chun a ki pan in a khup dil-su tan ahi, Pakai kathing keh neocha hi eti hitam/ e-ka loding hitam tichun adong tan ahi le, Vanna kon chun Go-meal ahung khe tan hiche thing keh neo cha chung ah chun achu tan ahi, Chupat chun hiche thing keh neo cha chu a phol2 mit-mu chang tah chun a-bah2 a-na2 a-mun2 cheh ah hiti chun hoijo le rong deu set chun, ahung kedoh jengtan ahile, Amapa in-jong Pathen in ngai lut na kidang amu tah chun akipen in, “ka kipah e jesus” ti chun avel2 chun Pathen heng ah vahchoi laa asan kipah tha nom tah le lung mong tah chun hinkho a-na mang tan ahi. Van-lhem/ Nisa-lhem ahung kilep tah chun khosung mite jouse alung u adong lheh tan ti-jat nan a kidim ta uvin ahi chun van-lam chu a-ve uvin a kho dah cheh tauve, Vanlhem/Nisalhem ahung kilep lai tah chun ah-si khat ahung kilang in asot lou vin a kim-vel ah ahsi tampiyen ahung soh doh kit in hiche ahsi tam pilah kom chun ahsi sagi Agam hou-sapu in hiche thu-soh chu a na jahdoh phat chun, ni3 sung in a-gam sung mite ahin khom tuptan ahi, Agam mite jouse injong gam hou sapu kou aw-gin chu nial lou helin hiti chun ahung khom cheh tauvin ahile, Chuin Gamhou sapu injong a-gam mite jouse chu khat cheh khat cheh maban chachun kitol yenin ana ve-lha tan ahi, A-jonan a nu nung pen atou pasal khat ki-bonse dehduh khu koi hia e-bolla pam-chin tah a khu tou ham ti chu a-ga ve-tan ahi, Hi-che ana ki-bon sedeh duh Pasal pajong chu gamhou sapu henglam nge chun ahung kihei jin Hou-sapu maichang chu ti-ki-hot det2 chun ana vetan ahile amaivah chun gam-hou sapu chu ahin sel-tan ahile det2 neilou chun gam-hou sapu chun ana lung hang tan hiche pahi gangtah a tha a gen-hing anchah a peh doh ding ahi ti chun lung-gel ahin neitan ahile a-pat2 chun ana kol te ni ah kithong jen jun-chun aw-kidang len tah ahung gingtan ahi, Vo-Gam-hou sapu ebolla lung-thimset/Lung-gel hita bang chu na na-nei hitam, tha-ding met dia nagon pa gollhang meal hoitah/mi-ching tah ahi, ama chu natha thei lou hel ding ahi, Ajeh chu amapa hi na-tha khella natha nakhut jet lam a tou a lim-nahin sonpih ding chu ama pahi ahi ti chun ahung kisei pih tai Chuin Gam-housapu kidang asavar phat chun a-pat2 machun hiche aw-gin chu anale don but paijeng tan hiche ki-bonse dehduh gol-lhang pahi ekalo ding ham tichun ana don but kit tan ahile, Van akon chun hiche gollhang meal hoitah pachu nacha nu lah2 a ameal hoipen le atahpen nu chu naki chen sah ding chuteng natha nei na jouse hiche gollhang meal hoi tah pa chu napeh doh ding ahi ti chun ahin vai lhah tan chun sun nisa/vanlhem ahung kilip in van ahung kithing tan ahi. Chuin gamsung housapu jong chu atouna mun ale jot in atou na akon chun mipi te adong tai kagam sung mite jouse lah a ahat2 hung ding doh uvin keiman kipa thil peh kagon.....
Next
Lekha thot: Mr.Sing
